July 5: In memory of Vaikom Muhammad Basheer

വൈക്കം മുഹമ്മദ് ബഷീറിന്റെ പേരിലിറക്കിയ സ്റ്റാംപ്

മലയാള സാഹിത്യത്തിലെ സുല്‍ത്താനായിരുന്ന വൈക്കം മുഹമ്മദ് ബഷീറിന്റെ പത്തൊന്‍പതാം ചരമവാര്‍ഷികം ആണ് ഇന്ന്. 1908 ജനുവരി 21-ന് ജനിച്ച അദ്ദേഹം 1994 ജൂലൈ 5-നാണ് നമ്മെ വിട്ടു പിരിഞ്ഞത്. ഒന്നും ഒന്നും വലിയ ഒന്നാണെന്നും ഭൂമിയുടെ അവകാശികള്‍ മനുഷ്യര്‍ മാത്രമല്ലെന്നും നമ്മെ പഠിപ്പിച്ച അക്ഷര ലോകത്തെ ആ അപ്പൂപ്പന്‍  ജീവിതത്തെയും മരണത്തെയും  കുറിച്ച് ഇങ്ങിനെ ചോദിച്ചിട്ടുണ്ട്: "ജീവിച്ചു, മരിച്ചു, ഒക്കെ ശരി, ചെയ്ത അദ്ഭുതമെന്ത്?"

അദ്ദേഹത്തിന്റെ ഓര്‍മയ്ക്ക് മുന്‍പില്‍ നമിച്ചു കൊണ്ട്, നല്ല ബഡുക്കൂസുകളായി, ജീവിതത്തിന്റെ അദ്ഭുതങ്ങളും നന്മകളും തേടിയുള്ള നമ്മുടെ യാത്ര തുടരാം.